Viral

ନର୍ସଙ୍କ ମେସେଜ୍‌ ଦେଖି ବେହୋସ୍‌ ହେଲେ ରୋଗୀ

  •  
  • 2
  •  
  •  
  •  
  •  
  •  
    2
    Shares

ନର୍ସ ସର୍ବଦା ରୋଗୀଙ୍କ ସେବା କରିବାକୁ ନିଜକୁ ସମର୍ପିତ କରିଥାଆନ୍ତି। ହେଲେ ଏବେ ଚାଇନାରେ ଏମିତି ଏକ ଘଟଣା ଘଟିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଜଣେ ବିଦେଶୀ ଛାତ୍ର ଚାଇନା ପାଠପଢିବାକୁ ଆସିଥିବା ବେଳେ ହଠାତ୍‌ ଅସୁସ୍ଥ ହୋଇ ପଡିଥିଲେ। ଏହାପରେ ଚାଇନାର ଏକ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲା। ସେଠାରେ ତାଙ୍କୁ ଯେଉଁ ନର୍ସ ଦେଖାରଖା କରୁଥିଲେ ତାଙ୍କୁ ଇଂରାଜି ଜଣା ନ ଥିଲା। ତେଣୁ ବିଦେଶୀ ଛାତ୍ରଙ୍କୁ ଔଷଧ ଦେବା ଅବା ତାଙ୍କ ସୁସ୍ଥତାକୁ ନେଇ ସବୁ ବିଷୟ ଜଣାଇବାକୁ ନର୍ସ ଜଣକ ଏକ ଉପାୟ ପାଞ୍ଚିଲେ। ତାଙ୍କର ଯେତିକି ଇଂରାଜୀ ଜ୍ଞାନ ଥିଲା ତାକୁ ନେଇ ସେ ଚିତ୍ର ମାଧ୍ୟମରେ ରୋଗୀଙ୍କ ପାଖରେ ଏକ ମେସେଜ୍‌ ପହଞ୍ଚାଇଲେ। ଆଉ ଏହି ମେସେଜ୍‌ ଦେଖିବା ପରେ ରୋଗୀ ଜଣଙ୍କ ହଠାତ୍‌ ବେହୋସ୍‌ ହାଇଗଲେ। କାରଣ ମେସେଜ୍‌ର ଚିତ୍ର ସହ ଯାହା ଲେଖାଥିଲା ସେଥିରୁ ବୁଝା ପଡୁଥିଲା ଆଜି ରାତି ୧୦ଟାରୁ ତୁମପାଇଁ ଖାଦ୍ୟ ପାଣି ବନ୍ଦ ଆଉ କାଲି ସକାଳ ୮ଟାରେ ତୁମକୁ କାଟି ଦିଆଯିବ ବା ହତ୍ୟା କରାଯିବ। ଏମିତି ମେସେଜ୍‌ ଦେଖି ଯେ କେହି ବେହୋସ୍‌ ହେବା ସ୍ବାଭାବିକ କଥା। ହେଲେ ମଜା କଥା ହେଲା ନର୍ସ ଜଣଙ୍କ ବୁଝାଇବାକୁ ଚାହୁଁଥିଲେ କି ଆଜି ରାତି ୧୦ଟା ପରଠାରୁ ଖାଇବା ପିଇବା ମନା ଆସନ୍ତା କାଲି ସକାଳ ୮ଟାରେ ତୁମର ସର୍ଜରୀ ବା ଅପରେଶନ୍‌ ହେବ। ଏବେ ଏହି ମେସେଜଟି ଚାଇନା ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଅନେକ ଏହା ଉପରେ ମଜାଦାର କମେଣ୍ଟ ମଧ୍ୟ ଦେଉଛନ୍ତି।

  •  
    2
    Shares
  •  
  • 2
  •  
  •  
  •  
  •  
Loading...

Join The Discussion

Loading...