Viral

ଜଣେ ଛାତ୍ରୀଙ୍କ ପାଇଁ ଆସୁଛି ଟ୍ରେନ୍

  •  
  • 58
  •  
  •  
  •  
  •  
  •  
    58
    Shares

ଭାରତରେ ଛୋଟ ଶିଶୁଙ୍କୁ ଅଭିଭାବକମାନେ ବସ୍ କିମ୍ବା ଅଟୋରେ ସ୍କୁଲ ପଠାଇଥାନ୍ତି । ଯଦି ଶିଶୁଟି ୫ମିନିଟ୍ ଡେରିରେ ପହଞ୍ଚେ ତେବେ ଅଟୋ କିମ୍ବା ବସ୍ ତାକୁ ଛାଡି ଚାଲିଯାଇଥାଏ । ହେଲେ ଜାପାନର ଏହି ଘଟଣା ଆପଣଙ୍କୁ ନିଶ୍ଚିତ ଭାବେ ଚିନ୍ତା କରିବାକୁ ବାଧ୍ୟ କରିବ । ଜାପାନର ଏକ ସ୍ଥାନରେ କେବଳ ଗୋଟିଏ ଶିଶୁ ପାଇଁ ଷ୍ଟେସନକୁ ଆସେ ଟ୍ରେନଟିଏ । ଏହି ଟ୍ରେନ୍ରେ ଶିଶୁ ଛଡା ଅନ୍ୟ କୌଣସି ଯାତ୍ରୀ ଚଢନ୍ତି ନାହିଁ । ଜାପାନର ଉତ୍ତରରେ ଥିବା ହୋକାଇଦୋ ଦୀପର କାମି ସିରାତାକି ଗ୍ରାମରେ ଥିବା ରେଳଷ୍ଟେସନକୁ ଅଧିକାରୀମାନେ ବନ୍ଦ କରିଦେଇଥିଲେ । କାରଣ ଏଠାରେ ଅଧିକ ଯାତ୍ରୀ ଟ୍ରେନରେ ଯାଉନଥିବାରୁ ଟ୍ରେନର କ୍ଷତି ହେଉଥିଲା । ତେବେ ଯେତେବେଳେ ଜଣାପଡିଲା ଯେ, ଏଠାରୁ ଜଣେ ଶିଶୁ ନିୟମିତ ଟ୍ରେନେ ଯୋଗେ ସ୍କୁଲ ଯାଉଛି ଏବଂ ସ୍କୁଲ ଯିବା ପାଇଁ ଶିଶୁ ନିକଟରେ ଅନ୍ୟ କୌଣସି ମାଧ୍ୟମ ନାହିଁ, ସେତେବେଳେ ରେଳ ଅଧିକାରୀମାନେ ଏହି ଷ୍ଟେସନକୁ ଚାଲୁ ରଖିବା ପାଇଁ ନିଷ୍ପତ୍ତି ନେଇଥିଲେ । ଦୈନିକ ଦୁଇଥର ଏହି ଷ୍ଟେସନକୁ ଟ୍ରେନ୍ ଆସୁଛି । ଗୋଟିଏ ଥର ଶିଶୁଟି ସ୍କୁଲ ଯିବାପାଇଁ ଏବଂ ଅନ୍ୟଟି ଶିଶୁଟିକୁ ଛାଡିବା ପାଇଁ । ଖାଲି ଏତିକି ନୁହେଁ ଶିଶୁଟିର ସ୍କୁଲ ଟାଇମ୍କୁ ଦେଖି ଟ୍ରେନ୍ ଟାଇମ୍ ସ୍ଥିର କରାଯାଇଛି । ବିଭାଗୀୟ ଅଧିକାରୀଙ୍କ କହିବା ଅନୁଯାୟୀ ଶିଶୁଟି ହାଇସ୍କୁଲ ପାସ୍ କରିବା ପର୍ଯ୍ୟନ୍ତ ଟ୍ରେନ୍ ଚଳାଚଳ କରିବ, ତା’ପରେ ଏହା ବନ୍ଦ ହେବ ।

  •  
    58
    Shares
  •  
  • 58
  •  
  •  
  •  
  •  
Loading...

Join The Discussion

Loading...