Viral

ଜୋତା ଓଦା ହୋଇଯିବ ବୋଲି…ଯୁବକଙ୍କ କାନ୍ଧର ସାହାଯ୍ୟ ନେଲେ କନେଷ୍ଟବଲ

  •  
  • 6
  •  
  •  
  •  
  •  
  •  
    6
    Shares

ୟୁପି ପୁଲିସ ବିଭିନ୍ନ ସମୟରେ ନିଜର କାର୍ଯ୍ୟକଳାପକୁ ନେଇ ଚର୍ଚ୍ଚାର ଥାଆନ୍ତି । ଏବେ ଖବର ଆସିଛି ୟୁପି ପୁଲିସର ଦୁଇ ତଳସ୍ତରର ଅଧିକାରୀଙ୍କ ବିଷୟରେ । ଘଟଣାଟି ଘଟିଛି ମୁରାଦାବାଦରେ । ଏଠିକାର ଦୁଇ କନେଷ୍ଟବଲ ନିଜର ଜୋତାକୁ ବଞ୍ଚାଇବା ପାଇଁ ଯୁବକଙ୍କ କାନ୍ଧର ସାହାଯ୍ୟ ନେଇଛନ୍ତି । ଏହି ଫଟୋ ଓ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ପୁଲିସଙ୍କ ଏହି କାମକୁ ଅଂଚଳରେ ନିନ୍ଦା କରାଯାଇଛି । ଘଟଣାଟି ଘଟିଛି ମୁଢାପାଣ୍ଡେ ଥାନା ଅଞ୍ଚଳ । ଏହି ଅଂଚଳର ଲାଲାଟିକର ଗ୍ରାମର ଅଧିବାସୀ ରାମ ସିଂହଙ୍କ ୨ଟି ପଶୁ ଚୋରି ହୋଇଯାଇଥିଲା । ଏହାର ତଦନ୍ତ କରିବାକୁ ଯାଉଥିଲେ ଏହି ଦୁଇ ପୁଲିସ କର୍ମଚାରୀ । ଏହି ଗାଁକୁ ଯିବା ବାଟରେ ଏକ ନଦୀ ପଡିଥିଲା । ନଦୀର କିଛି ବାଟ ପୂର୍ବରୁ ଏହି ଦୁଇ ଅଧିକାରୀ ବାଇକ୍ ଏକ ଗାଁରେ ରଖିଥିଲେ । ପରେ ପାଦରେ ଚାଲିଚାଲି ନଦୀ ପଠାକୁ ଯାଇଥିଲେ । ସେଠାରୁ ସେମାନେ ଡଙ୍ଗାରେ ଆରପାରିକୁ ଯାଇଥିଲେ । ଡଙ୍ଗା କୂଳରେ ଲାଗିବା ପରେ ଦୁଇ ପୁଲିସ ଅଧିକାରୀ ଓହ୍ଲାଇବାକୁ ଚେଷ୍ଟା କରିଥିଲେ । କିନ୍ତୁ ଡଙ୍ଗା ଠାରୁ କୂଳ ଯିବା ବାଟରେ ଅଳ୍ପ ଅଳ୍ପ ପାଣିଥିଲା । ଏହି ପାଣିରେ ଜୋତା ଓଦା ହୋଇଯିବ ଭାବି ଏହି ଦୁଇ ଅଧିକାରୀ ସେହି ଗ୍ରାମର ଏକ ଯୁବକ କାନ୍ଧରେ ସବାର ହୋଇ କୂଳକୁ ଯାଇଥିଲେ । ଏହି ସମୟରେ ଭିଡିଓ ଓ ଫଟୋ ଜଣେ ଯୁବକ ନିଜର ମୋବାଇଲ କ୍ୟାମେରାରେ କଏଦ କରିନେଇଥିଲେ । ଏହା ଏବେ ଭାଇରାଲ ହେବା ପରେ ଜିଲ୍ଲା ଏସ୍ପି ଏହାର ତଦନ୍ତ କରୁଛନ୍ତି । ସେ କହିଛନ୍ତି ତଦନ୍ତ ରିପୋର୍ଟ ଆସିବା ପରେ ଏହି କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ।

  •  
    6
    Shares
  •  
  • 6
  •  
  •  
  •  
  •  
Loading...

Join The Discussion

Loading...