Home ରାଜ୍ୟ ଆରମ୍ଭ ହେଲା ଇ-ଚାଲାଣ ବ୍ୟବସ୍ଥା

ଆରମ୍ଭ ହେଲା ଇ-ଚାଲାଣ ବ୍ୟବସ୍ଥା

ଭୁବନେଶ୍ୱର : ପରିବହନ ବିଭାଗ ପକ୍ଷରୁ ଇ-ଚାଲାଣ ବ୍ୟବସ୍ଥାର ଶୁଭାରମ୍ଭ ହୋଇଛି। ମୋଟର ଯାନ ଆଇନ ଉଲ୍ଲଂଘନକାରୀଙ୍କ ଠାରୁ ଆଦାୟ ହେଉଥିବା ଜରିମାନା ଆଉ ମାନୁଆଲ ଚାଲାଣରେ ଆଦାୟ ହେବନି। ସମସ୍ତ ଜରିମାନା ଡିଜିଟାଲ ମୋଡ୍‌ରେ ପୈଠ ହେବ। କାଗଜ ରସିଦ୍‌ର ଅପବ୍ୟବହାର ହେବାରୁ ଏଭଳି ଏକ ପଦକ୍ଷେପ ନିଆଯାଇଛି। ଏହି ମୋଟର ଯାନ ଆଇନକୁ ବାରମ୍ବାର ଉଲ୍ଲଂଘନ କରୁଥିବା ଚାଳକ ଏଥର ଦୁଇଗୁଣା ଜରିମାନା ଦେବେ। ଏହି ଅପରାଧ ସବୁର ଅନ୍‌ଲାଇନ୍‌ ରେକର୍ଡ ରଖାଯିବାର ବ୍ୟବସ୍ଥା ଅଛି। ଡିଜିଟାଲ ମୋଡ୍‌ରେ କ୍ରେଡିଟ୍‌ ଓ ଡେବିଟ୍‌ କାର୍ଡ ସହ ନଗଦ ଅର୍ଥ ସଂଗ୍ରହ କରାଯିବ। ଏହି ବ୍ୟବସ୍ଥାକୁ ଅନ୍ୟ ସମ୍ପୃକ୍ତ ବିଭାଗଗୁଡ଼ିକ ସହ ସଂଯୋଗୀକରଣ କରାଯିବ। ଫଳରେ ଅପରାଧ ପଞ୍ଜୀକରଣ ହେଲେ ସମ୍ପୃକ୍ତ ବିଭାଗଗୁଡ଼ିକ ପାଖରେ ତତ୍‌କ୍ଷଣାତ୍‌ ଖବର ପହଞ୍ଚିବ। ତା ଛଡ଼ା ଚାଳକ ଅପରାଧ ଘଟାଇଲେ ପଞ୍ଜୀକୃତ ମୋବାଇଲ ନମ୍ବର ଜରିଆରେ ମାଲିକ ପାଖରେ ଖବର ପହଞ୍ଚିବ। ଏହାର ଶୃଙ୍ଖଳିତ ପରିଚାଳନା ପାଇଁ ଏଚ୍‌ଡିଏଫ୍‌ସି ବ୍ୟାଙ୍କ୍‌ ସହ ବୁଝାମଣା ସ୍ବାକ୍ଷରିତ ହୋଇଛି। ଏକ ନିର୍ଦ୍ଦିଷ୍ଟ ଆକାଉଣ୍ଟରେ ଏହି ଜରିମାନା ଅର୍ଥ ଜମା ହେବ। ଏହି ବ୍ୟାଙ୍କ୍‌ ପକ୍ଷରୁ ୧୯୫ ଟି ମୋବାଇଲ୍‌ ଇ ଚାଲାଣ ଡିଭାଇସ ଯୋଗାଇ ଦିଆଯାଇଛି। ୩୦ ଜିଲ୍ଲାର ୩୬ ଆରଟିଓଙ୍କୁ ୧୬୨ଟି ପିଓଏସ୍‌ ମେସିନ୍‌ ଯୋଗାଇ ଦିଆଯାଇଛି ବୋଲି କହିଛନ୍ତି ବାଣିଜ୍ୟ ଓ ପରିବହନ ମନ୍ତ୍ରୀ ନୃସିଂହ ଚରଣ ସାହୁ। ଏହି ବ୍ୟବସ୍ଥାକୁ ଜୟଦେବ ଭବନର ଗୀତଗୋବିନ୍ଦ କକ୍ଷରେ ଆଜି ମନ୍ତ୍ରୀ ଶ୍ରୀ ସାହୁ ଉଦ୍‌ଘାଟନ କରିବା ଅବସରରେ ଏହା କହିଛନ୍ତି। ଏହି ବ୍ୟବସ୍ଥା ଅନୁଯାୟୀ ଚାଲାଣ କଟା ଯାଉଥିବା ସ୍ଥାନର ତଥ୍ୟ, ଆଇନ ଉଲ୍ଲଂଘନ କରିଥିବା ଯାନ ତଥା ଚାଳକଙ୍କ ଫଟେଶ ଉଠାଯିବ। ଫଳରେ ଥରେ ଅପରାଧ ଘଟାଇଲେ ପରବର୍ତୀ ସମୟରେ ଚାଳକ ପୁନରାବୃତ୍ତି କରିବାକୁ ଡରିବ। ତା ସହିତ ଏହି ବ୍ୟବସ୍ଥାକୁ ‘ବାହନ’ ଓ ‘ସାରଥି’ ଆପ୍ଲିକେସନ୍‌ର ସର୍ବଭାରତୀୟ ଡାଟାବେସ୍‌ ସହ ସଂଯୁକ୍ତ କରାଯାଇଛି। ରାଜ୍ୟ ବାହାରେ ଏଭଳି ଆଇନ ଉଲ୍ଲଂଘନ କରି ଦଣ୍ଡିତ ହୋଇଥିଲେ ଏଠାରେ ଜଣାପଡ଼ିବ। ଏଣୁ ସେହି ଅନୁସାରେ ଜରିମାନା ଅର୍ଥ ଦ୍ବିଗୁଣିତ ହୋଇଯିବ।

ଅନ୍ୟମାନଙ୍କ ମଧ୍ୟରେ ଅତିରିକ୍ତ ମୁଖ୍ୟ ଶାସନ ସଚିବ ଗଗନ କୁମାର ଧଳ, ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ସଚିବ ଜି. ଶ୍ରୀନିବାସ, ଏନ୍‌ଆଇସି ଉପ ମହାନିର୍ଦ୍ଦେଶକ ଗୌତମ ଘୋଷ, ପରିବହନ ଆୟୁକ୍ତ ସଞ୍ଜୀବ ପଣ୍ଡା, ଏଚ୍‌ଏଫ୍‌ଡିସି ବ୍ୟାଙ୍କ୍‌ ଆଞ୍ଚଳିକ ମୁଖ୍ୟ ଦେବାଶିଷ ସେନାପତି ପ୍ରମୁଖ ଯୋଗଦେଇ ଥିବା ବେଳେ ଚିତ୍ତରଞ୍ଜନ ରାୟ ଧନ୍ୟବାଦ ଅର୍ପଣ କରିଥିଲେ।

ରାଜ୍ୟର ଖବର

ବିଜେପି ରାଜ୍ୟରେ ଏକ ତରଫା ଭାବେ ସରକାର ଗଢିବ : ଅରୁଣ ସିଂ

ଭୁବନେଶ୍ୱର:ଦ୍ୱିତୀୟ ପର୍ଯ୍ୟାୟ ନିର୍ବାଚନ ନେଇ ବିଜେପି ପ୍ରଭାରୀ ଅରୁଣ ସିଂହ ପ୍ରତିକ୍ରିୟା ଦେଇ ଚଳିତ ନିର୍ବାଚନରେ ବିଜେପି ଜିତି ସରକାର ଗଢିବ ବୋଲି କହିଛନ୍ତି ।ଭୁବନେଶ୍ୱରରେ  ଆଜି ଦ୍ୱିତୀୟ ପର୍ଯ୍ୟାୟ ନିର୍ବାଚନ ନେଇ...

ପାଟକୁରା ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କ ଦେହାନ୍ତ

ଭୁବନେଶ୍ୱର: ବରିଷ୍ଠ ନେତା ତଥା କେନ୍ଦ୍ରାପଡ଼ା ଜିଲା ପାଟକୁରା ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କର ଶନିବାର ପୂର୍ବାହ୍ନରେ ପରଲୋକ ଘଟିଛି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ସେ ଶେଷ ନିଶ୍ୱାସ...

ରାଜ୍ୟରେ ଦ୍ଵିତୀୟ ପର୍ଯ୍ୟାୟରେ ୭୨% ମତଦାନ

ଭୁବନେଶ୍ଵର:ଇଭିଏମ ମେସିନ ତ୍ରୁଟି ବିଚ୍ୟୁତକୁ ବାଦ ଦେଲେ ଗତକାଲି ସୁରୁଖୁରୁରେ  ସଂପନ୍ନ ହୋଇଛି ଲୋକସଭା ନିର୍ବାଚନର ଦ୍ଵିତୀୟ ପର୍ଯ୍ୟାୟ ମତଦାନ। ଦ୍ଵିତୀୟ ପର୍ଯ୍ୟାୟରେ ରାଜ୍ୟର ୫ ଲୋକସଭା ଓ ୩୫ ବିଧାନସଭାରେ ୭୨...

ଦେଶ-ବିଦେଶ

ପୁଣି ଉଡାଇବେ ଯୁଦ୍ଧ ବିମାନ ୱିଙ୍ଗ୍ କମାଣ୍ଡର ଅଭିନନ୍ଦନ

ନୂଆଦିଲ୍ଲୀ: ଭାରତୀୟ ବାୟୁ ସେନାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନ ଖୁବ୍‌ଶୀଘ୍ର ଯୁଦ୍ଧ ବିମାନ ଉଡାଇ ପାରିବେ ବୋଲି ସୂଚନା ମିଳିଛି। ଏଥିପାଇଁ ତାଙ୍କୁ ବେଙ୍ଗାଲୁରରେ ଥିବା ଇନଷ୍ଟିଚ୍ୟୁଟ ଅଫ୍‌ ଏରୋସ୍ପେଶ ମେଡିସିନ(ଆଇଏଏମ୍‌)ର...

ଗୋଟିଏ ମଞ୍ଚରେ ମୁଲାୟମ, ମାୟାବତୀ

ମୈନପୁରୀ : ଦୀର୍ଘ ଦଶଦ୍ଧିର ତୀବ୍ର ବିରୋଧୀ ଭାବେ ପରିଚିତ ସମାଜବାଦୀ ପାର୍ଟି(ଏସପି) ପ୍ରତିଷ୍ଠାତା ମୁଲାୟମ ସିଂ ଯାଦବ ଏବଂ ବିଏସପି ସୁପପ୍ରୋ ମାୟାବତୀ ଗୋଟିଏ ମଞ୍ଚରେ ଦେଖାଦେଇଛି । ଦୀର୍ଘ ୨୬...

କଂଗ୍ରେସକୁ ଝଟକା : ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳ ଛାଡିଲେ

ନୂଆଦିଲ୍ଲୀ : କଂଗ୍ରେସ ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳରୁ ଇସ୍ତଫା ଦେଇଛନ୍ତି । ମିିଡିଆ ରିପୋର୍ଟ ଅନୁସାରେ ପ୍ରିୟଙ୍କା ଗୁରୁବାର ରାତିରେ ପାର୍ଟିରୁ ଇସ୍ତଫା ଦେଇଛନ୍ତି । ସେ ଶିବସେନାରେ ଯୋଗ ଦେବେ...