State

ଦୁର୍ନୀତିରେ ରାଜ୍ୟ ସରକାର ବୁଡି ରହିଛି : ଜାଭଡେକର

  •  
  •  
  •  
  •  
  •  
  •  
  •  
ବ୍ରହ୍ମପୁର: ଓଡିଶାରେ ଲୋକତନ୍ତ୍ର ଶାସନ ଚାଲି ନାହିଁ। ରାଜ୍ୟରେ ବିଜେଡି ତନ୍ତ୍ର ଚାଲିଛି ବୋଲି କହିଛନ୍ତି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭଡେକର ପ୍ରକାଶ କରିଛନ୍ତି। ବ୍ରହ୍ମପୁର ଠାରେ ସାମ୍ବାଦିକ ମାନଙ୍କ ସହ ଆଲୋଚନା ବେଳେ ସେ କହିଛନ୍ତି ଯେ କେନ୍ଦ୍ରୀୟ ଯୋଜନା ଗୁଡିକୁ ରାଜ୍ୟ ସରକାର ହଡପ କରି ନିଜ ଯୋଜନା ବୋଲି କହି ପ୍ରଚାର କରୁଛନ୍ତି । ଏହି ସରକାର କ୍ଷମତାକୁ ଆସିବା ପର ଠାରୁ ତଳ ସ୍ତରରୁ ଆରମ୍ଭ କରି ଉପର ସ୍ତର ପର୍ଯ୍ୟନ୍ତ ବିଭିନ୍ନ ଯୋଜନା ପାଇଁ ପିସି ନେଉଛନ୍ତି । ତେଣୁ ରାଜ୍ୟ ସରକାର ପିସି ଭିତିକ ସରକାର ବୋଲି ଶ୍ରୀ ଜାଭଡେକର କହିଛନ୍ତି ।

ସେ କହିଛନ୍ତି ଯେ ସ୍ୱଚ୍ଛ ଶାସନ ଚାଲିଛି ବୋଲି କୁହା ଯାଉଥିବା ବେଳେ ବାସ୍ତବରେ ଦୁର୍ନୀତିରେ ରାଜ୍ୟ ସରକାର ବୁଡି ରହିଛି । ଏଥିରେ ଦଳୀୟ ବିଧାୟକ, ସାଂସଦ, ନ୍ତ୍ରୀ, ପ୍ରତ୍ୟକ୍ଷ ଓ ପରୋକ୍ଷରେ ସଂପୃକ୍ତି ରହିଛି । ଦଳୀୟ ଭିତିରେ ବିଭିନ୍ନ ଯୋଜନାରେ ହିତାଧିକାରୀ ମାନଙ୍କୁ ଚିହ୍ନଟ କରା ଯାଉଛି ।

ପ୍ରକାଶ ଜାଭଡେକରଙ୍କ ମନ୍ତବ୍ୟ ଉପରେ ବିଜେଡି ପ୍ରତିକ୍ରିୟା ରଖିଛି। ଦଳର ମୁଖପାତ୍ର ସସ୍ମିତ ପାତ୍ର କହିଛନ୍ତି କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକରଙ୍କ କଥା ହାସ୍ୟାସ୍ପଦ। ଯଦି ସତସାହସ ଅଛି ପିସି କାରବାରର ପ୍ରମାଣ ଦିଅନ୍ତୁ। ଓଡ଼ିଶାରେ ବିକାଶତନ୍ତ୍ର ଚାଲିଛି। ପ୍ରଗତିକୁ ଦେଖି ବିଜେପି ଭୟଭୀତ ବୋଲି ସେ କହିଛନ୍ତି।

Loading...
  •  
  •  
  •  
  •  
  •  
  •  
  •  
Loading...

Join The Discussion

Loading...