State

ପୁଣି ବିଜେଡି ବିରୁଦ୍ଧରେ କିଛି କହିଲେନି ମୋଦି, କଂଗ୍ରେସକୁ କଲେ ଟାର୍ଗେଟ୍

  •  
  • 3
  •  
  •  
  •  
  •  
  •  
    3
    Shares
ବାରିପଦା: ଗତ ଡିସେମ୍ବର ୨୪ରେ ଖୋର୍ଦ୍ଧାରେ ଆୟୋଜିତ ବିଶାଳ ଜନସଭାରେ ବିଜେଡି ସରକାରଙ୍କୁ ବୁଲେଇ ବଙ୍କେଇ ଟାର୍ଗେଟ୍ କରିଥିବା ମୋଦୀ ଆଜି ବାରିପଦାର ଛଉ ପଡ଼ିଆରେ ଆୟୋଜିତ ଜନସଭାରେ ବିଜେଡି ସରକାର ପ୍ରତି ସଂପୂର୍ଣ୍ଣ ଭାବେ ନରୋମ ଆଭିମୁଖ୍ୟ ପୋଷଣ କରିଥିବା ବେଳେ କଂଗ୍ରେସ ଉପରେ ପ୍ରବଳ ବର୍ଷିଛନ୍ତି। ମୋଦୀଙ୍କ ଆଜିର ଭାଷଣରୁ ଏହା ବାରି ହୋଇ ପଡୁଛି ଯେ ବିଜେଡି ଶାସିତ ଓଡ଼ିଶା ସରକାରଙ୍କୁ ଆଉ ସମାଲୋଚନା କରାଯିବ ନାହିଁ। ମୋଦୀଙ୍କ ଭାଷଣରୁ ଏହା  ଅନୁମାନ କରାଯାଇପାରେ ଯେ ୨୦୧୯ ସାଧାରଣ ନିର୍ବାଚନରେ ବିଜେପି ବିଜେଡିର ସମର୍ଥନ ମଧ୍ୟ ଲୋଡିପାରେ।  ମାତ୍ର ଆଜିର  ସମାବେଶରେ ମୋଦୀ ଭାଷଣ ଆରମ୍ଭରୁ  କଂଗ୍ରେସକୁ ଟାର୍ଗେଟ୍ କରିଛନ୍ତି। ଦେଶର ଚୌକିଦାରକୁ ସେମାନେ ହଟାଇବାକୁ ଚାହୁଁଛନ୍ତି ଏବଂ ଦେଶର ସୁରକ୍ଷା ସହ  ସେମାନେ(କଂଗ୍ରେସ) ଖେଳୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି।

ଆଶା କରାଯାଉଥିଲା ଯେ ପିମଏ ମୋଦୀ ଖୋର୍ଦ୍ଧାରେ ଆୟୋଜିତ ଜନସମାବେଶରେ ଯେଉଁଠି ବିଜେଡିକୁ ବୁଲେଇ ବଙ୍କେଇ ହମଲା କରିଥିଲେ ସେହି ଧାରକୁ ଆଉ ଟିକେ ଶାଣିତ କରିବେ। ମାତ୍ର ମୋଦୀଙ୍କ ଭାଷଣରୁ ଆଜି ବିଜେଡି ବିରୋଧରେ ସେମିତି କୌଣସି କଡ଼ା ସମାଲୋଚନା କି ହମଲା ଦେଖିବାକୁ ମିଳିନଥିଲା। କିନ୍ତୁ ଏହି ସମାବେଶ ଜରିଆରେ ପିଏମ ମୋଦୀ କଂଗ୍ରେସକୁ ଟାର୍ଗେଟ୍ କରିବାକୁ ପଛେଇ ନାହାନ୍ତି। ଆଜିର ଜନସମାବେଶରୁ ଯାହା ପ୍ରତୀତମାନ ହେଉଛି ଯେ  ବିଜେଡି ବିରୋଧରେ କେନ୍ଦ୍ରୀୟ ବିଜେଡିର ରଣନୀତି ବଦଳିଛି।

  •  
    3
    Shares
  •  
  • 3
  •  
  •  
  •  
  •  
Loading...

Join The Discussion

Loading...