Sports

ବିଶ୍ୱକପ୍‌ ଥିମ୍‌ ସଙ୍ଗ୍‌ ଟିଜର ଟୁଇଟ୍‌ କଲେ ରହମନ

  •  
  • 7
  •  
  •  
  •  
  •  
  •  
    7
    Shares

ନୂଆଦିଲ୍ଲୀ :ବଲିଉଡ ସଙ୍ଗୀତ ନିର୍ଦ୍ଦେଶକ ତଥା ଗାୟକ ଏ.ଆର. ରହମନ ହକି ବିଶ୍ୱକପ୍‌ର ଅଫିସିଆଲ ସଙ୍ଗ ବା ଥିମ୍‌ ସଙ୍ଗର ଟିଜର ଭିଡିଓକୁ  ଟୁଇଟ୍‌ କରିଛନ୍ତି। ରବିବାର ସେ ୪୬ ସେକେଣ୍ଡର ଏହି ଗୀତର ଟିଜର ଭିଡିଓ ଟୁଇଟରରେ ଅପଲୋଡ କରିଛନ୍ତି। ଏହି ଭିଡିଓରେ ବଲିଉଡ ସୁପରଷ୍ଟାର ଶାହରୁଖ ଖାଁଙ୍କୁ ଦେଖିବାକୁ ମିଳିବ। ବଲିଡଡ ଗୀତିକାର ଗୁଲଜାରଙ୍କ ସହ ସାଥି ହୋଇ ରହମନ ‘ଜୟ ହିନ୍ଦ୍‌, ଜୟ ଇଣ୍ଡିଆ’ ଶୀର୍ଷକ ଏହି ଟାଇଟଲ ଟ୍ରାକ ପ୍ରସ୍ତୁତ କରିଛନ୍ତି। ଏହି ଟିଜର ଭିଡିଓ ଟୁଇଟ୍‌ ହେବା ପରେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ପ୍ରଶଂସା କରି ରହମନଙ୍କୁ ଧନ୍ୟବାଦ ଜଣାଇଛନ୍ତି। ଦେଶ ବ୍ୟାପୀ ହକି ପ୍ରଶଂସକଙ୍କ ଉତ୍ସାହ ଓ ଉଦ୍ଦୀପନାକୁ ଏହି ଟିଜର ଭିଡିଓ ଦେଖିବାକୁ ମିଳିଛି ଓ ଏହା ବେଶ୍‌ ଆକର୍ଷଣୀୟ ହୋଇଛି ବୋଲି ନବୀନ ଟୁଇଟ କରି ଉଲ୍ଲେଖ କରିଛନ୍ତି। ଏବେ ପୂରା ଭିଡିଓ ଦେଖିବାକୁ ଓ ରହମନଙ୍କ ଲାଇଭ ପରଫର୍ମାନ୍ସ ଦେଖିବାକୁ ସମସ୍ତେ ଅପେକ୍ଷା କରି ରହିଛନ୍ତି ବୋଲି ସେ କହିଛନ୍ତି। ଏହି ଟିଜରକୁ ସୋସିଆଲ ମିଡିଆରେ ବହୁ ସଂଖ୍ୟାରେ ଶେୟାର କରାଯାଉଛି। ରହମନଙ୍କ ଏହି ଟିଜର ଭିଡିଓକୁ ହକି ଇଣ୍ଡିଆ ତରଫରୁ ମଧ୍ୟ ପ୍ରଶଂସା କରାଯାଇଛି। ଉଲ୍ଲେଖଥାଉ କି, ୨୭ ତାରିଖ ଦିନ କଳିଙ୍ଗ ଷ୍ଟାଡିୟମରେ ରହମନ ଓ ଶାହୁରଖ ମିଳିତ ଭାବେ ବିଶ୍ୱକପ ଉଦ୍‌ଘାଟନୀ ମ୍ୟାଚ୍‌ରେ ଅଂଶଗ୍ରହଣ କରି ଦର୍ଶକଙ୍କ ମନୋରଞ୍ଜନ କରିବେ।

  •  
    7
    Shares
  •  
  • 7
  •  
  •  
  •  
  •  
Loading...

Join The Discussion

Loading...