Home ଖେଳ ରୋହିତଙ୍କ ନାମରେ ଏକାଧିକ ରେକର୍ଡ

ରୋହିତଙ୍କ ନାମରେ ଏକାଧିକ ରେକର୍ଡ

ମୁମ୍ବାଇ :ଟିମ୍ ଇଣ୍ଡିଆ ଓପନର ରୋହିତ ଶର୍ମା ୱେଷ୍ଟଇଣ୍ଡିଜ୍ ବିପକ୍ଷ ଚତୁର୍ଥ ଦିନିକିଆରେ ନିଜର ୨୧ତମ ଶତକ ହାସଲ କରିଛନ୍ତି । ନିଜର ଏହି ଶତକୀୟ ଇନିଂସ୍ ମଧ୍ୟରେ ରୋହିତ ସଚିନ ତେନ୍ଦୁଲକର ଓ ସୌରଭ ଗାଙ୍ଗୁଲିଙ୍କ ଭଳି ଅଭିଜ୍ଞ କ୍ରିକେଟରଙ୍କୁ ପଛରେ ପକାଇ ଦେଇଛନ୍ତି । ରୋହିତ ମାତ୍ର ୧୮୬ ଇନିଂସ୍ରେ ୨୧ ଶତକ ପୂରଣ କରିଛନ୍ତି । ରୋହିତ ସଚିନ ଓ ଗାଙ୍ଗୁଲିଙ୍କଠାରୁ ଦ୍ରୁତ ୨୧ତମ ଶତକ ମାରିଛନ୍ତି । ସଚିନ ୨୦୦ ଏବଂ ଗାଙ୍ଗୁଲି ୨୧୭ ଇନିଂସ୍ରେ ୨୧ ଶତକ ପୂରଣ କରିଥିଲେ । ରୋହିତଙ୍କ ଆଗରେ ସାଉଥ ଆଫ୍ରିକାର ଏବି ଡି’ଭିଲିୟର୍ସ ଅଛନ୍ତି, ଯିଏ ୧୮୩ ଇନିଂସ୍ରେ ୨୧ ଶତକ ପୂରଣ କରିଥିଲେ । ତେବେ ଦିନିକିଆରେ ଦ୍ରୁତ ୨୧ତକ ଶତକ ସାଉଥ୍ ଆଫ୍ରିକାର ହାସିମ୍ ଆମ୍ଲାଙ୍କ ନାମରେ ଅଛି । ଆମ୍ଲା ମାତ୍ର ୧୧୬ ଇନିଂସ୍ ଏବଂ ତାଙ୍କ ପରକୁ ବିରାଟ କୋହଲି ୧୩୮ ଇନିଂସ୍ରେ ଏହି ରେକର୍ଡ ହାସଲ କରିଥିଲେ । ଓପନର ଭାବେ ରୋହିତ ୧୯ ଶତକ ମାରି ଗାଙ୍ଗୁଲିଙ୍କ ସମକକ୍ଷ ହୋଇଛନ୍ତି । ଓପନର ଭାବେ ସର୍ବାଧିକ ଶତକ ସଚିନ (୪୫)ଙ୍କ ନାମରେ ରହିଛି । ଏହାଛଡ଼ା ରୋହିତ ଶିଖର ଧାୱନଙ୍କ ସହ ମିଶି ଆଉ ଏକ ରେକର୍ଡ କରିଛନ୍ତି । ଦୁହେଁ ଭାରତର ଦ୍ୱିତୀୟ ସଫଳ ଓପନିଂ ଯୋଡ଼ି ହୋଇଛନ୍ତି । ଏହି ମାମଲାରେ ସେମାନେ ସଚିନ ଓ ବୀରେନ୍ଦ୍ର ସେହ୍ୱାଗଙ୍କୁ ପଛରେ ପକାଇ ଦେଇଛନ୍ତି । ରୋହିତ ଓ ଧାୱନ୍ ୯୩ଟି ଦିନିକିଆରେ ୪୨.୧୩ ହାରରେ ୩୯୧୯ ରନ୍ କରିଛନ୍ତି । ସେମାନଙ୍କ ମଧ୍ୟରେ ୧୨ ଶତକୀୟ ଏବଂ ୧୮ ଅର୍ଦ୍ଧଶତକୀୟ ଭାଗୀଦାରୀ ହୋଇଛି । ଅନ୍ତର୍ଜାତୀୟ ଦିନିକିଆରେ ସବୁଠାରୁ ସଫଳ ଓପନିଂ ଯୋଡ଼ିର ରେକର୍ଡ ମଧ୍ୟ ଭାରତ ନାମରେ ଅଛି । ସଚିନ ଓ ଗାଙ୍ଗୁଲିଙ୍କ ଯୋଡ଼ି ୧୩୬ଟି ଦିନିକିଆରେ ୬୬୦୯ ରନ୍ କରିଛନ୍ତି । ଏହି ଯୋଡ଼ି ୨୧ ଶତକୀୟ ଏବଂ ୨୩ ଅର୍ଦ୍ଧଶତୀୟ ଭାଗୀଦାରୀ କରିଛନ୍ତି । ଭାରତର ତୃତୀୟ ସଫଳ ଓପନିଂ ଯୋଡ଼ି ସେହ୍ୱାଗ ଓ ଗମ୍ଭୀର ୩୮ ମ୍ୟାଚ୍ରେ ୫୦.୫୪ ହାରରେ ୧୮୭୦ ରନ୍ କରିଛନ୍ତି । ବିଶ୍ୱସ୍ତରରେ ଅଷ୍ଟ୍ରେଲିଆର ମାଥ୍ୟୁ ହେଡେଲ ଓ ଆଡାମ ଗିଲଖ୍ରୀଷ୍ଟ ୧୧୪ ଇନିଂସ୍ରେ ୫୩୭୨ ରନ୍ ସହ ଦ୍ୱିତୀୟ ସ୍ଥାନରେ ଥିବା ବେଳେ ୱେଷ୍ଟଇଣ୍ଡିଜ୍ର ଡେସମଣ୍ଡ ହେନ୍ସ ଓ ଗର୍ଡନ୍ ଗ୍ରୀନିଜ୍ ତୃତୀୟ ସଫଳ ଓପନିଂ ଯୋଡ଼ି ଭାବେ ୧୦୨ ଇନିଂସ୍ରେ ୫୧୫୦ ରନ୍ କରିଛନ୍ତି ।

ରାଜ୍ୟର ଖବର

ବିଜେପି ରାଜ୍ୟରେ ଏକ ତରଫା ଭାବେ ସରକାର ଗଢିବ : ଅରୁଣ ସିଂ

ଭୁବନେଶ୍ୱର:ଦ୍ୱିତୀୟ ପର୍ଯ୍ୟାୟ ନିର୍ବାଚନ ନେଇ ବିଜେପି ପ୍ରଭାରୀ ଅରୁଣ ସିଂହ ପ୍ରତିକ୍ରିୟା ଦେଇ ଚଳିତ ନିର୍ବାଚନରେ ବିଜେପି ଜିତି ସରକାର ଗଢିବ ବୋଲି କହିଛନ୍ତି ।ଭୁବନେଶ୍ୱରରେ  ଆଜି ଦ୍ୱିତୀୟ ପର୍ଯ୍ୟାୟ ନିର୍ବାଚନ ନେଇ...

ପାଟକୁରା ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କ ଦେହାନ୍ତ

ଭୁବନେଶ୍ୱର: ବରିଷ୍ଠ ନେତା ତଥା କେନ୍ଦ୍ରାପଡ଼ା ଜିଲା ପାଟକୁରା ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କର ଶନିବାର ପୂର୍ବାହ୍ନରେ ପରଲୋକ ଘଟିଛି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ସେ ଶେଷ ନିଶ୍ୱାସ...

ରାଜ୍ୟରେ ଦ୍ଵିତୀୟ ପର୍ଯ୍ୟାୟରେ ୭୨% ମତଦାନ

ଭୁବନେଶ୍ଵର:ଇଭିଏମ ମେସିନ ତ୍ରୁଟି ବିଚ୍ୟୁତକୁ ବାଦ ଦେଲେ ଗତକାଲି ସୁରୁଖୁରୁରେ  ସଂପନ୍ନ ହୋଇଛି ଲୋକସଭା ନିର୍ବାଚନର ଦ୍ଵିତୀୟ ପର୍ଯ୍ୟାୟ ମତଦାନ। ଦ୍ଵିତୀୟ ପର୍ଯ୍ୟାୟରେ ରାଜ୍ୟର ୫ ଲୋକସଭା ଓ ୩୫ ବିଧାନସଭାରେ ୭୨...

ଦେଶ-ବିଦେଶ

ପୁଣି ଉଡାଇବେ ଯୁଦ୍ଧ ବିମାନ ୱିଙ୍ଗ୍ କମାଣ୍ଡର ଅଭିନନ୍ଦନ

ନୂଆଦିଲ୍ଲୀ: ଭାରତୀୟ ବାୟୁ ସେନାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନ ଖୁବ୍‌ଶୀଘ୍ର ଯୁଦ୍ଧ ବିମାନ ଉଡାଇ ପାରିବେ ବୋଲି ସୂଚନା ମିଳିଛି। ଏଥିପାଇଁ ତାଙ୍କୁ ବେଙ୍ଗାଲୁରରେ ଥିବା ଇନଷ୍ଟିଚ୍ୟୁଟ ଅଫ୍‌ ଏରୋସ୍ପେଶ ମେଡିସିନ(ଆଇଏଏମ୍‌)ର...

ଗୋଟିଏ ମଞ୍ଚରେ ମୁଲାୟମ, ମାୟାବତୀ

ମୈନପୁରୀ : ଦୀର୍ଘ ଦଶଦ୍ଧିର ତୀବ୍ର ବିରୋଧୀ ଭାବେ ପରିଚିତ ସମାଜବାଦୀ ପାର୍ଟି(ଏସପି) ପ୍ରତିଷ୍ଠାତା ମୁଲାୟମ ସିଂ ଯାଦବ ଏବଂ ବିଏସପି ସୁପପ୍ରୋ ମାୟାବତୀ ଗୋଟିଏ ମଞ୍ଚରେ ଦେଖାଦେଇଛି । ଦୀର୍ଘ ୨୬...

କଂଗ୍ରେସକୁ ଝଟକା : ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳ ଛାଡିଲେ

ନୂଆଦିଲ୍ଲୀ : କଂଗ୍ରେସ ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳରୁ ଇସ୍ତଫା ଦେଇଛନ୍ତି । ମିିଡିଆ ରିପୋର୍ଟ ଅନୁସାରେ ପ୍ରିୟଙ୍କା ଗୁରୁବାର ରାତିରେ ପାର୍ଟିରୁ ଇସ୍ତଫା ଦେଇଛନ୍ତି । ସେ ଶିବସେନାରେ ଯୋଗ ଦେବେ...