Sports

ଏହି ରେକର୍ଡର ଅଧିକାରୀ ହେଲେ ଇଶାନ୍ତ

  •  
  • 4
  •  
  •  
  •  
  •  
  •  
    4
    Shares

ନୂଆଦିଲ୍ଲୀ: ଗତ ଦୁଇ/ତିନି ବର୍ଷ ଭିତରେ ଇଶାନ୍ତ ଶର୍ମା ଟେଷ୍ଟ ବୋଲିଂରେ ନିଜର ଦକ୍ଷତାକୁ ଅଧିକ ଶାଣିତ କରିପାରିଛନ୍ତି । ପ୍ରଶଂସକମାନେ ତାଙ୍କୁ ଏହି ବର୍ଷ ଭିତରେ ଜଣେ ଅଭିଜ୍ଞ ବୋଲରର ମାନ୍ୟତା ଦେଇଛନ୍ତି । ବିଶେଷ କରି ବର୍ତ୍ତମାନ ଚାଲିଥିବା ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟରେ ସେ ଯେଭଳି ବୋଲିଂ ପ୍ରଦର୍ଶନ କରିଛନ୍ତି, ତାହା ସମୀକ୍ଷକ ଓ ପ୍ରଶଂସକମାନଙ୍କୁ ପ୍ରଭାବିତ କରିଛି । ଆଉ ଏକ ଉଲ୍ଲେଖନୀୟ ଘଟଣା ହେଉଛି ଯେ, ଅଷ୍ଟ୍ରେଲିଆ ବିପକ୍ଷରେ ୫୦ ୱିକେଟ୍ ହାସଲ କରିଥିବା ଭାରତୀୟ ପେସ୍ ବୋଲରଙ୍କ ତାଲିକାରେ ଇଶାନ୍ତ ଏବେ ସାମିଲ୍ ହୋଇଛନ୍ତି । ପୂର୍ବରୁ କପିଲ୍ ଦେବ, ଜାହିର୍ ଖାଁନ୍ ଓ କେଡ଼ି ଗାଭ୍ରିଙ୍କ ନାମରେ ଏହି ରେକର୍ଡ଼ ରହିଥିଲା । ତେବେ ଟିମ୍ ପାଇନ୍ ଓ ୟାରନ୍ ଫିଞ୍ଚ୍ଙ୍କୁ ଆଉଟ୍ କରି ଇଶାନ୍ତ ୫୦ ୱିକେଟ୍ ପୂରଣ କରିବା ପରେ ପ୍ରଶଂସକମାନେ ତାଙ୍କ ଦକ୍ଷତାକୁ ପ୍ରଶଂସା କରିଛନ୍ତି । କପିଲ ଦେବ ୨୦ଟି ମ୍ୟାଚରୁ ୬୯ଟି ୱିକେଟ୍ ନେଇଥିଲା ବେଳେ ଜାହିର୍ ଖାଁ ୧୯ଟି ମ୍ୟଚରୁ ୬୧ଟି ୱିକେଟ୍ ପାଇଛନ୍ତି । ଇଶାନ୍ତ ଶର୍ମା ୨୩ଟି ମ୍ୟାଚ୍ ଖେଳି ଏହି କୃତୀତ୍ୱ ହାସଲ କରିଛନ୍ତି । ଏବେ ଆଉ ଜଣେ ଭାରତୀୟ ବୋଲର ଏ ଦିଗରେ ଅଗ୍ରସର ହେଉଛନ୍ତି । ସେ ହେଲେ ଉମେଶ ଯାଦବ । ଏବେ ତାଙ୍କ ନାମରେ ୪୨ଟି ୱିକେଟ୍ (୧୧ ମ୍ୟାଚ୍) ରହିଛି ।

  •  
    4
    Shares
  •  
  • 4
  •  
  •  
  •  
  •  
Loading...

Join The Discussion

Loading...