Sports

କ୍ରିକେଟକୁ ଅଲବିଦା ଜଣାଇଲେ ଗମ୍ଭୀର

  •  
  • 4
  •  
  •  
  •  
  •  
  •  
    4
    Shares

ନୂଆଦିଲ୍ଲୀ:ଦୁଇ ବର୍ଷରୁ ଭାରତୀୟ ଦଳରୁ ବାହାରେ ଥିବା ଭାରତୀୟ ଓପନର ଗୌତମ ଗମ୍ଭୀର ମଙ୍ଗଳବାର କ୍ରିକେଟର ସମସ୍ତ ଫର୍ମାଟରୁ ସନ୍ନ୍ୟାସ ନେବାର ଘୋଷଣା କରିଛନ୍ତି। ଗୌତମ ନିଜର ଫେସବୁକ ଆକାଉଣ୍ଟରେ ଏକ ଭିଡ଼ିଓ ସେୟାର କରି ମଙ୍ଗଳବାରଏହାର ସୂଚନା ଦେଇଛନ୍ତି। ସେ ଭିଡ଼ିଓ ସେୟାର କରି କହିଛନ୍ତି  ଯେ  କଡ଼ା ନିଷ୍ପତ୍ତି ସର୍ବଦା ଦୁଃଖର ସହିତ ନିଆଯାଏ। ୨୦୧୧ ଦିନିକିଆ କ୍ରିକେଟ୍ ବିଶ୍ଵ କପ୍ ବିଜେତା ଭାରତୀୟ ଦଳର ହିରୋ ରହିଥିବା ଗୌତମ ଗମ୍ଭୀର  କ୍ୟାରିୟରରେ ୫୮ଟି ଟେଷ୍ଟ ଓ ୧୪୭ଟି ଦିନିକିଆ ଅନ୍ତରାଷ୍ଟ୍ରୀୟ ମ୍ୟାଚ୍ ଖେଳିଛନ୍ତି।ଦିଲ୍ଲୀର ଏହି ଖେଳାଳି  ଭାରତ ପାଇଁ ଶେଷ ଥର ଟେଷ୍ଟ ମ୍ୟାଚ୍ ୨୦୧୬ ନଭେମ୍ବରରେ ଇଂଲଣ୍ଡ ବିପକ୍ଷରେ ଖେଳିଥିଲେ।  ସେ ୨୦୧୧ ବିଶ୍ଵ କପ ଫାଇନାଲରେ ୯୭ ରନର ମହତ୍ଵପୂର୍ଣ୍ଣ ପାଳି ଖେଳିଥିଲେ ଏବଂ ବିଶ୍ଵ କପ ଜିତିବାରେ ବଡ଼ ଭୂମିକା ନିଭାଇଥିଲେ। ଭାରତୀୟ ଦଳ ମୁମ୍ଵାଇର ଓ୍ଵାଙ୍ଖେଡ଼ା ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଶ୍ରୀଲଙ୍କାକୁ ୬ ଓ୍ଵିକେଟରେ ମାତ୍ ଦେଇ ଦ୍ଵିତୀୟ ଥର ବିଶ୍ଵ କପ ଜିତିଥିଲା।

୩୭ ବର୍ଷୀୟ ଗମ୍ଭୀର ୫୮ଟି ଟେଷ୍ଟରୁ ୪୧.୯୫ ହାରରେ ୪୧୪୫ ରନ ଓ ୧୪୭ଟି ଦିନିକିଆରୁ ୩୬.୯୮ ହାରରେ ୫୨୩୮ ରନ କରିଛନ୍ତି। ଟେଷ୍ଟରେ ସେ ନଅଟି ଶତକ ହାସଲ କରିଥିବା ବେଳେ ଦିନିକିଅାରେ 11ଟି ଶତକ ଅର୍ଜନ କରିଛନ୍ତି। ଦିନିକିଆରେ ତାଙ୍କର ସର୍ବଶ୍ରେଷ୍ଠ ସ୍କୋର ଅପରାଜିତ ୧୫୦ ରନ। ଗମ୍ଭୀରଙ୍କ ଅଧିନାୟକତ୍ଵରେ କୋଲକାତା ନାଇଟ ରାଇଡର୍ସ ଦୁଇ ଥର ଆଇପିଏଲ ଟ୍ରଫି ଜିତିଛି। ସେ ଗତ ଆଇପିଏଲ ସଂସ୍କରଣରେ ଦିଲ୍ଲୀ ଡେୟାର ଡେଭିଲ୍ସର ଅଧିନାୟକ ହୋଇଥିଲେ। ମାତ୍ର ସଂସ୍କରଣ ମଝିର ଅଧିନାୟକ ପଦରୁ ଇସ୍ତଫା ଦେଇଥିଲେ।

Loading...

ଗମ୍ଭୀର ଟି-୨୦ ଅନ୍ତରାଷ୍ଟ୍ରୀୟରେ ମଧ୍ୟ ନିଜର ଛାପ ଛାଡ଼ିଛନ୍ତି। ସେ  ୩୭ଟି ମ୍ୟାଚରୁ ସାତୋଟି ଅର୍ଦ୍ଧଶତକୀୟ ପାଳି ବଳରେ ୯୩୨ ରନ କରିଥିଲେ।  ଗମ୍ଭୀର କହିଛନ୍ତି ଯେ ଦେଶ ପାଇଁ ୧୫ ବର୍ଷରୁ ଅଧିକ ସମୟ କ୍ରିକେଟ୍ ଖେଳିବା ପରେ ମୁଁ ଏହି ସୁନ୍ଦର ଖେଳକୁ ଅଲବିଦା କହିବାକୁ ଚାହୁଁଛି।

  •  
    4
    Shares
  •  
  • 4
  •  
  •  
  •  
  •  
Loading...

Join The Discussion

Loading...