Home ଖେଳ ଆମେରିକାରେ ଲାଗିପାରେ ଏମର୍ଜେନ୍ସି, ଟ୍ରମ୍ପଙ୍କ ଇସାରା

ଆମେରିକାରେ ଲାଗିପାରେ ଏମର୍ଜେନ୍ସି, ଟ୍ରମ୍ପଙ୍କ ଇସାରା

ୱାଶିଂଟନ: ଆମେରିକାର ଆଭ୍ୟନ୍ତରୀଣ ପରିସ୍ଥିତି ଦିନିକୁ ଦିନ ବିଗିଡ଼ିବାରେ ଲାଗିଛି । ଉଭୟ ଆର୍ଥିକ ଓ ରାଜନୈତିକ ପରିସ୍ଥିତି ଜଟିଳ ରୂପ ଧାରଣ କରୁଛି । ଯେକୌଣସି ମୁହୂର୍ତ୍ତରେ ଦେଶରେ ଏମର୍ଜେନ୍ସି ଘୋଷଣା ହୋଇପାରେ । ଏଭଳି ସଂକେତ ଦେଇଛନ୍ତି ଖୋଦ୍ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ମେକ୍ସିକୋ ସୀମାରେ ଚାଲିଥିବା ପ୍ରାଚୀର କାର୍ଯ୍ୟକୁ ନେଇ ଆମେରିକା ରାଷ୍ଟ୍ରପତି ଏବଂ ବିରୋଧୀ ଡେମୋକ୍ରାଟିକ୍ ପାର୍ଟି ମଧ୍ୟରେ ଜାରି ରହିଥିବା ଉତ୍ତେଜନା ଥମିବାର ନାଁ ଧରୁନି । ବିରୋଧୀମାନେ ପାଚେରୀ କାମକୁ ଦୃଢ଼ ବିରୋଧ କରୁଛନ୍ତି । କିନ୍ତୁ ଟ୍ରମ୍ପ ତାଙ୍କ ନିଷ୍ପତ୍ତିରେ ଅଟଳ ଅଛନ୍ତି । ଏଥିପାଇଁ ସେ ସ୍ୱତନ୍ତ୍ର ଖର୍ଚ୍ଚ ଅଟକଳ ମଧ୍ୟ ପ୍ରସ୍ତୁତ କରିଛନ୍ତି । ଯେଉଁଥିପାଇଁ ଆମେରିକାରେ ଆର୍ଥିକ ସଂକଟ ଦେଖାଦେଇଥିଲା । ରାଷ୍ଟ୍ରପତିଙ୍କର ଏହି ଉଚ୍ଚ ଆକାଂକ୍ଷା ଯୋଜନା ଯୋଗୁଁ ଦେଶ ଭିତରେ ନାହିଁ ନଥିବା ରାଜନୈତିକ ଅଚଳାବସ୍ଥା ଲାଗି ରହିଛି । ପରିସ୍ଥିତି ଏଭଳି ହୋଇଛି ଯେ, ଯେକୌଣସି ମୁହୂର୍ତ୍ତରେ ଜରୁରୀକାଳୀନ ପରିସ୍ଥିତି ବା ଏମର୍ଜେନ୍ସି ଘୋଷଣା ହୋଇପାରେ । ଆମେରିକା ରାଷ୍ଟ୍ରପତି ଅନୁପ୍ରବେଶକୁ ରୋକିବା ପାଇଁ ଦକ୍ଷିଣ ସୀମାରେ ଏକ ସୁଦୀର୍ଘ ଓ ସୁଉଚ୍ଚ ପ୍ରାଚୀର ନିମାଣ କରିବାକୁ ଚାହୁଁଛନ୍ତି । ଏହି ନିଷ୍ପତ୍ତିରୁ ସେ ନଛୋଡବନ୍ଧା ଅଛନ୍ତି । ଏପରିକି ବିରୋଧୀଙ୍କ ଚାପ ଆଗରେ ସେ ମୁଣ୍ଡ ନୁଆଁଇବାକୁ ମଧ୍ୟ ପ୍ରସ୍ତୁତ ନୁହଁନ୍ତି । କେବଳ ସେତିକି ନୁହେଁ, ଗଣମାଧ୍ୟମକୁ ସେ ସ୍ପଷ୍ଟ କରି କହିଛନ୍ତି ଯେ, ଦରକାର ପଡ଼ିଲେ ଏମର୍ଜେନ୍ସି ପଛକେ ଜାରି କରିବେ କିନ୍ତୁ ପାଚୀର ନିର୍ମାଣରୁ ହଟିବେ ନାହିଁ । ରାଷ୍ଟ୍ରପତିଙ୍କର ଏଭଳି ଜିଦ୍ଖୋର ମନୋଭାବ ନେଇ ବିରୋଧୀମାନେ ଉତକ୍ଷିପ୍ତ ହୋଇଛନ୍ତି । ସେମାନେ କହିଛନ୍ତି ଯେ, ଜଣେ ବ୍ୟକ୍ତିର ଜିଦ୍ଖୋର ମନୋବୃତ୍ତି ପାଇଁ ଦେଶ ଆର୍ଥିକ ଅରାଜକତା ଭିତରକୁ ଠେଲି ହୋଇଯାଉଛି । ତେବେ ଟ୍ରମ୍ପ କହିଛନ୍ତି ଯେ, ହାଉସ୍ ଅଫ୍ ରିପ୍ରେଜେଣ୍ଟେଟିଭ୍ର ବାଚସ୍ପତି ଦେଶର ବିକାଶ ବିରୋଧରେ ଯାଉଛନ୍ତି ଫଳରେ ଅର୍ଥାଭାବ ଦେଖାଦେଉଛି । ତେଣୁ ଏଥିନିମନ୍ତେ ରାଷ୍ଟ୍ରୀୟ ଏମର୍ଜେନ୍ସି ଘୋଷଣା କରିବା ଏକମାତ୍ର ବିକଳ୍ପ । ଏଥିପାଇଁ ବାଚସ୍ପତି ହିଁ ଦାୟୀ ରହିବେ ବୋଲି ଟ୍ରମ୍ପ କହିଛନ୍ତି ।

ରାଜ୍ୟର ଖବର

ରାଜ୍ୟରେ ଦ୍ଵିତୀୟ ପର୍ଯ୍ୟାୟରେ ୭୨% ମତଦାନ

ଭୁବନେଶ୍ଵର:ଇଭିଏମ ମେସିନ ତ୍ରୁଟି ବିଚ୍ୟୁତକୁ ବାଦ ଦେଲେ ଗତକାଲି ସୁରୁଖୁରୁରେ  ସଂପନ୍ନ ହୋଇଛି ଲୋକସଭା ନିର୍ବାଚନର ଦ୍ଵିତୀୟ ପର୍ଯ୍ୟାୟ ମତଦାନ। ଦ୍ଵିତୀୟ ପର୍ଯ୍ୟାୟରେ ରାଜ୍ୟର ୫ ଲୋକସଭା ଓ ୩୫ ବିଧାନସଭାରେ ୭୨...

୫ଜଣଙ୍କ ଜୀବନ ନେଲା ହାତୀ

ଅନଗୁଳ: ଗୁରୁବାର ମଧ୍ୟ ରାତ୍ରୀରେ ଅନୁଗୋଳ ଜିଲ୍ଲା ତାଳଚେରରେ ହାତୀ ଆକ୍ରମଣରେ ୫ ଜଣଙ୍କର ମୃତ୍ୟୁ ଘଟିଛି। ତାଳଚେର ଅନ୍ତର୍ଗତ ଷଣ୍ଢଗାଁରେ ମଧ୍ୟରାତ୍ରରେ ପଲେ ହାତୀ ପଶି ଗୋଟିଏ ଗ୍ରାମର ୪ ଜଣ...

୬ ବୁଥ୍ ରେ ସାନି ମତଦାନ ପାଇଁ ସୁପାରିଶ

ଭୁବନେଶ୍ୱର : ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ଭୋଟ୍ ଗ୍ରହଣ ସମୟରେ ୬ଟି ବୁଥରେ ପରି·ଳନାଗତ ତ୍ରୁଟି ଦେଖା ଦେଇଛି । ବଣାଇର ୧୨୯ ନଂ ବୁଥ୍ , ସୁନ୍ଦରଗଡର ୨୧୩ ନମ୍ବର...

ଦେଶ-ବିଦେଶ

ଗୋଟିଏ ମଞ୍ଚରେ ମୁଲାୟମ, ମାୟାବତୀ

ମୈନପୁରୀ : ଦୀର୍ଘ ଦଶଦ୍ଧିର ତୀବ୍ର ବିରୋଧୀ ଭାବେ ପରିଚିତ ସମାଜବାଦୀ ପାର୍ଟି(ଏସପି) ପ୍ରତିଷ୍ଠାତା ମୁଲାୟମ ସିଂ ଯାଦବ ଏବଂ ବିଏସପି ସୁପପ୍ରୋ ମାୟାବତୀ ଗୋଟିଏ ମଞ୍ଚରେ ଦେଖାଦେଇଛି । ଦୀର୍ଘ ୨୬...

କଂଗ୍ରେସକୁ ଝଟକା : ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳ ଛାଡିଲେ

ନୂଆଦିଲ୍ଲୀ : କଂଗ୍ରେସ ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳରୁ ଇସ୍ତଫା ଦେଇଛନ୍ତି । ମିିଡିଆ ରିପୋର୍ଟ ଅନୁସାରେ ପ୍ରିୟଙ୍କା ଗୁରୁବାର ରାତିରେ ପାର୍ଟିରୁ ଇସ୍ତଫା ଦେଇଛନ୍ତି । ସେ ଶିବସେନାରେ ଯୋଗ ଦେବେ...

ବିଏସପି ସମର୍ଥକ ଭୋଟ୍ ଦେଲେ ବିଜେପିରେ, ପଶ୍ଚାତାପ କରି ନିଜ ଅଙ୍ଗୁଳି କାଟିଲେ

ଲକ୍ଷ୍ନୌ: ଉତ୍ତରପ୍ରଦେଶ ବୁଲନ୍ଦସହରରେ ଘଟିଛି ଏକ ଅଭାବନୀୟ ଘଟଣା। ଭୁଲରେ ଭାଜପାକୁ ଭୋଟ ଦେଇଥିବାରୁ ନିର୍ବାଚନ ଚିହ୍ନ ଲାଗିଥିବା ଅଙ୍ଗୁଳିକୁ କାଟିଦେଇଛନ୍ତି ଜଣେ ଯୁବକ। ସୂଚନାଯୋଗ୍ୟ, ବୁଳନ୍ଦସହରର ଶିକାରପୁର ଅଞ୍ଚଳର ଜଣେ ଦଳିତ...