Sports

୧୦ବର୍ଷ ପରେ ଇଂଲଣ୍ଡ ବିପକ୍ଷରେ ସିରିଜ୍ ଜିତିଲା ଇଣ୍ଡିଜ୍

  •  
  • 1
  •  
  •  
  •  
  •  
  •  
    1
    Share

ଆଣ୍ଟିଗୁଆ : ଦୀର୍ଘ ୧୦ ବର୍ଷ ପରେ ଇଂଲଣ୍ଡ ବିପକ୍ଷରେ ପ୍ରଥମ ଥର ଇଣ୍ଡିଜ ଦଳ ଟେଷ୍ଟ ସିରିଜ ଜିତିଛି। ପ୍ରଥମ ମ୍ୟାଚ୍‌କୁ ଏକତରଫା ଭାବେ ଜିତିଥିବା ଜାଶନ ହୋଲ୍ଡରଙ୍କ ନେତୃତ୍ୱାଧୀନ ଇଣ୍ଡିଜ ଦଳ ଦ୍ୱିତୀୟ ଟେଷ୍ଟକୁ ମାତ୍ର ତିନି ଦିନରେ ଜିତି ନେଇଛି। ଏହି ବିଜୟ ସହ ତିନି ଟେଷ୍ଟ ମ୍ୟାଚ୍‌ ବିଶିଷ୍ଟ ସିରିଜ୍‌କୁ ୨-୦ ବ୍ୟବଧାନରେ ଇଣ୍ଡିଜ ଦଳ ହାତେଇ ନେଇଛି। ପ୍ରଥମ ଇନିଂସରେ ଇଂଲଣ୍ଡ ୧୮୭ ରନ୍‌ କରିଥିବାବେଳେ ଇଣ୍ଡିଜ ୩୦୬ ରନ୍‌ କରିଥିଲା। ଫଳରେ ୧୧୯ ରନ୍‌ରେ ପଛୁଆ ଥିବା ଇଂଲଣ୍ଡ ଦଳ ଦ୍ୱିତୀୟ ଇନିଂସରେ ୧୩୨ ରନ୍‌ରେ ଅଲଆଉଟ୍‌ ହୋଇଯାଇଥିଲା। ଇଂଲଣ୍ଡ ଦଳର ସମସ୍ତ ବ୍ୟାଟ୍ସମ୍ୟାନ ଭଲ ଆରମ୍ଭ ପାଇଥିଲେ ମଧ୍ୟ ବଡ଼ ସ୍କୋରରେ ପରିଣତ କରିପାରି ନ ଥିଲେ। ଜୋସ ବଟଲର ୨୪, ଜୋ ଡେନଲି ୧୭ ଓ ରୋରି ବନର୍‌ସ ୧୬ ରନ୍‌ କରିଥିଲେ। ଘରୋଇ ଦଳ ପାଇଁ କେମାର ରୋଚ ଓ ଅଧିନାୟକ ହୋଲ୍ଡର ୪ ଉଇକେଟ ନେଇଥିଲେ। ଏହାପରେ ୧୪ ରନ୍‌ର ବିଜୟ ଲକ୍ଷ୍ୟକୁ ଇଣ୍ଡିଜ ଦଳ ୧୦ ଉଇକେଟରେ ହାସଲ କରି ନେଇଥିଲା। ମ୍ୟାଚ୍‌ର ଆଉ ଏକ ଉଲ୍ଲେଖନୀୟ ଘଟଣା ହେଉଛି ଇଣ୍ଡିଜ ଦଳରେ ସାମିଲ ଥିବା ଆଲଜାରି ଜୋଶେଫଙ୍କ ମା’ଙ୍କ ଶନିବାର ସକାଳେ ଦେହାନ୍ତ ହୋଇଯାଇଛି। ଏହାସତ୍ତ୍ୱେ ସେ ମ୍ୟାଚ୍‌ରେ ଖେଳିବା ଜାରି ରଖିବା ପାଇଁ ନିଷ୍ପତ୍ତି ନେଇଥିଲେ। ସେ ଅନ୍ତିମ ଇନିଂସରେ ୨ ଉଇକେଟ ନେବା ସହ ଗୋଟିଏ କ୍ୟାଚ୍‌ ଧରିଥିଲେ।

  •  
    1
    Share
  •  
  • 1
  •  
  •  
  •  
  •  
Loading...

Join The Discussion

Loading...