Home ରାଜନୀତି ମୋ ଜୀବନରେ ସମସ୍ତେ ମୋ ପାଇଁ ସ୍ୱତନ୍ତ୍ର : ରାହୁଲ

ମୋ ଜୀବନରେ ସମସ୍ତେ ମୋ ପାଇଁ ସ୍ୱତନ୍ତ୍ର : ରାହୁଲ

ନୂଆଦିଲ୍ଲୀ : ମୋ ଜୀବନରେ ଜଣେ ମାତ୍ର ସ୍ୱତନ୍ତ୍ର ବ୍ୟକ୍ତି ଅଛନ୍ତି ବୋଲି ମୁଁ ଭାବେ ନାହିଁ । ମୋ ଜୀବନରେ ସମସ୍ତେ ମୋ ପାଇଁ ସ୍ୱତନ୍ତ୍ର । ଏମାନଙ୍କ ମଧ୍ୟରେ ମୋର ମାଆ, ଭଉଣୀ ଓ ସାଙ୍ଗସାଥୀ ଅନ୍ତର୍ଭୁକ୍ତ । ଦଳ ମୋ ପାଇଁ ସବୁକିଛି । ଏଭଳି ମନ୍ତବ୍ୟ ଦେଇଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ସେ କହିଥିଲେ ଯେ, ମୁଁ ବିବାହ କରିଛି, କିନ୍ତୁ କୌଣସି ବ୍ୟକ୍ତିଙ୍କୁ ନୁହେଁ । ଦଳକୁ ହିଁ ମୁଁ ମୋର ଜୀବନସାଥୀ ଭାବେ ଗ୍ରହଣ କରିଛି । ବର୍ତ୍ତମାନ ଦଳ ମୋ ପାଇଁ ସବୁକିଛି । ତାଙ୍କ ଜୀବନରେ ସ୍ୱତନ୍ତ୍ର ଭାବରେ କିଏ ସ୍ଥାନ ନେଇଛନ୍ତି ବୋଲି ପ୍ରଶ୍ନ ହେବାରୁ ସେ ଏଭଳି ମନ୍ତବ୍ୟ ରଖି କହିଥିଲେ ଯେ, ମୁଁ ସମସ୍ତଙ୍କୁ ସମାନ ଭାବରେ ଦେଖିଥାଏ । ମା’ହୁଅନ୍ତୁ ଭଉଣୀ, ସାଙ୍ଗସାଥୀ କିମ୍ବା ଶ୍ରୋତା ଓ ବ୍ୟବସାୟିକ ବନ୍ଧୁ ସମସ୍ତେ ମୋ ଆଗରେ ସମାନ । ନେତୃତ୍ୱ ସଂପର୍କରେ ପ୍ରଶ୍ନ ହେବାରୁ ସେ କହିଥିଲେ ଯେ, ମୁଁ ମୋ ମାଆଙ୍କଠାରୁ ବହୁତ କିଛି ଶିକ୍ଷା ଲାଭ କରିଛି । ସେ ପଥ ପ୍ରଦର୍ଶକ । ସେ ମୋତେ ସବୁବେଳେ ଧୈର୍ଯ୍ୟ ରଖିବାକୁ ପରାମର୍ଶ ଦେଇଥାନ୍ତି । ଜୀବନରେ ଆଗକୁ ଯିବାକୁ ହେଲେ ଧୈର୍ଯ୍ୟ ଆବଶ୍ୟକ । ସମସ୍ତଙ୍କ କଥା ଶୁଣିବାର ଧୈର୍ଯ୍ୟ ରହିବା ଉଚିତ୍ । ଯେତେବେଳେ ସଂକଟ ଆସେ ମୁଁ ମୋ ମାଆଙ୍କ ସହ ଆଲୋଚନା କରିଥାଏ । ସେ ମୋତେ ବାଟ ଦେଖାଇଥାନ୍ତି । ଦଳକୁ ଉପଯୁକ୍ତ ନେତୃତ୍ୱ ଦେବାର ଦାୟିତ୍ୱ ଏବେ ମୋ ହାତରେ ପଡିଛି । ଯେତେବେଳେ ଦାୟିତ୍ୱ ଦିଆଗଲା ସେତେବେଳେ ମୁଁ ଚିନ୍ତାକଲି ଦଳକୁ କିପରି ଆଗକୁ ନେବି । ବିରୋଧୀମାନେ ଯେତେ ସମାଲୋଚନା କରନ୍ତି ତାହା ମୋତେ ନିଜକୁ ମାର୍ଜିତ କରିବା ପାଇଁ ସୁଯୋଗ ଦେଇଥାଏ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅନ୍ୟ ବିଜେପି ନେତାମାନେ କ’ଣ କହୁଛନ୍ତି ତାହା ମୁଁ ଭଲ ଭାବେ ବୁଝିବାକୁ ଚେଷ୍ଟା କରିଥାଏ । କାରଣ ନେତୃତ୍ୱ ନେବା ଏବଂ ବିରୋଧୀଙ୍କୁ ଉପଯୁକ୍ତ ଜବାବ୍ ଦେବାକୁ ହେଲେ ବିରୋଧୀଙ୍କ କଥାକୁ ଭଲ ଭାବରେ ବୁଝିବାକୁ ପଡିବ । ସେମାନେ କ’ଣ କହୁଛନ୍ତି ଏବଂ କହିବା ପଛର ରହସ୍ୟ କ’ଣ ତାହା ନ ବୁଝିଲେ ଏକ ଦଳର ମୁଖ୍ୟ ହେବା ସମ୍ଭବ ନୁହେଁ । କଂଗ୍ରେସ ଏକ ପୁରୁଣା ଦଳ ଏହା ଭାରତୀୟ ଇତିହାସର ମୁକସାକ୍ଷୀ । ଏହାକୁ ବର୍ତ୍ତମାନ ଅଧିକ ଶାଣିତ ଓ ସୁଦୃଢ କରିବାର ଆବଶ୍ୟକତା ରହିଛି । ମୋର ମାଆ ଓ ପୂର୍ବପୁରୁଷମାନେ ଯେଉଁ ନେତୃତ୍ୱ କ୍ଷମତା ରଖିଥିଲେ ତାହାକୁ ଅନୁଧ୍ୟାନ କରି ଦଳକୁ ଆଗକୁ ନେବା ପାଇଁ ଚେଷ୍ଟା କରୁଛି ବୋଲି ରାହୁଲ କହିଥିଲେ ।

ରାଜ୍ୟର ଖବର

ବିଜେପି ରାଜ୍ୟରେ ଏକ ତରଫା ଭାବେ ସରକାର ଗଢିବ : ଅରୁଣ ସିଂ

ଭୁବନେଶ୍ୱର:ଦ୍ୱିତୀୟ ପର୍ଯ୍ୟାୟ ନିର୍ବାଚନ ନେଇ ବିଜେପି ପ୍ରଭାରୀ ଅରୁଣ ସିଂହ ପ୍ରତିକ୍ରିୟା ଦେଇ ଚଳିତ ନିର୍ବାଚନରେ ବିଜେପି ଜିତି ସରକାର ଗଢିବ ବୋଲି କହିଛନ୍ତି ।ଭୁବନେଶ୍ୱରରେ  ଆଜି ଦ୍ୱିତୀୟ ପର୍ଯ୍ୟାୟ ନିର୍ବାଚନ ନେଇ...

ପାଟକୁରା ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କ ଦେହାନ୍ତ

ଭୁବନେଶ୍ୱର: ବରିଷ୍ଠ ନେତା ତଥା କେନ୍ଦ୍ରାପଡ଼ା ଜିଲା ପାଟକୁରା ନିର୍ବାଚନମଣ୍ଡଳୀର ବିଜେଡି ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କର ଶନିବାର ପୂର୍ବାହ୍ନରେ ପରଲୋକ ଘଟିଛି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ସେ ଶେଷ ନିଶ୍ୱାସ...

ରାଜ୍ୟରେ ଦ୍ଵିତୀୟ ପର୍ଯ୍ୟାୟରେ ୭୨% ମତଦାନ

ଭୁବନେଶ୍ଵର:ଇଭିଏମ ମେସିନ ତ୍ରୁଟି ବିଚ୍ୟୁତକୁ ବାଦ ଦେଲେ ଗତକାଲି ସୁରୁଖୁରୁରେ  ସଂପନ୍ନ ହୋଇଛି ଲୋକସଭା ନିର୍ବାଚନର ଦ୍ଵିତୀୟ ପର୍ଯ୍ୟାୟ ମତଦାନ। ଦ୍ଵିତୀୟ ପର୍ଯ୍ୟାୟରେ ରାଜ୍ୟର ୫ ଲୋକସଭା ଓ ୩୫ ବିଧାନସଭାରେ ୭୨...

ଦେଶ-ବିଦେଶ

ପୁଣି ଉଡାଇବେ ଯୁଦ୍ଧ ବିମାନ ୱିଙ୍ଗ୍ କମାଣ୍ଡର ଅଭିନନ୍ଦନ

ନୂଆଦିଲ୍ଲୀ: ଭାରତୀୟ ବାୟୁ ସେନାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନ ଖୁବ୍‌ଶୀଘ୍ର ଯୁଦ୍ଧ ବିମାନ ଉଡାଇ ପାରିବେ ବୋଲି ସୂଚନା ମିଳିଛି। ଏଥିପାଇଁ ତାଙ୍କୁ ବେଙ୍ଗାଲୁରରେ ଥିବା ଇନଷ୍ଟିଚ୍ୟୁଟ ଅଫ୍‌ ଏରୋସ୍ପେଶ ମେଡିସିନ(ଆଇଏଏମ୍‌)ର...

ଗୋଟିଏ ମଞ୍ଚରେ ମୁଲାୟମ, ମାୟାବତୀ

ମୈନପୁରୀ : ଦୀର୍ଘ ଦଶଦ୍ଧିର ତୀବ୍ର ବିରୋଧୀ ଭାବେ ପରିଚିତ ସମାଜବାଦୀ ପାର୍ଟି(ଏସପି) ପ୍ରତିଷ୍ଠାତା ମୁଲାୟମ ସିଂ ଯାଦବ ଏବଂ ବିଏସପି ସୁପପ୍ରୋ ମାୟାବତୀ ଗୋଟିଏ ମଞ୍ଚରେ ଦେଖାଦେଇଛି । ଦୀର୍ଘ ୨୬...

କଂଗ୍ରେସକୁ ଝଟକା : ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳ ଛାଡିଲେ

ନୂଆଦିଲ୍ଲୀ : କଂଗ୍ରେସ ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳରୁ ଇସ୍ତଫା ଦେଇଛନ୍ତି । ମିିଡିଆ ରିପୋର୍ଟ ଅନୁସାରେ ପ୍ରିୟଙ୍କା ଗୁରୁବାର ରାତିରେ ପାର୍ଟିରୁ ଇସ୍ତଫା ଦେଇଛନ୍ତି । ସେ ଶିବସେନାରେ ଯୋଗ ଦେବେ...