National/International

ବିଜେପି-ଜେଡିୟୁ ୨୦-୨୦ ଫର୍ମୁଲାରେ ଲଢିବେ ନିର୍ବାଚନ

  •  
  • 14
  •  
  •  
  •  
  •  
  •  
    14
    Shares
ବିହାର,:୨୦୧୯ ସାଧାରଣ ନିର୍ବାଚନକୁ ନଜରରେ ରଖି ଭାରତୀୟ ଜନତା ପାର୍ଟି ଏବଂ ଜେଡିୟୁ ମଧ୍ୟରେ ୨୦-୨୦ ଫର୍ମୁଲାରେ ସିଟ୍ ଭାଗବଂଟା ହେବ ବୋଲି ସ୍ଥିର ହୋଇଛି । ଏହା ସହ ସେପ୍ଟେମ୍ବର ୧୬ ମଧ୍ୟରେ ସିଟ୍ ଭାଗବଂଟା ନେଇ ବିଧୀବଦ୍ଧ ଭାବେ ଘୋଷଣା କରାଯିବା ନେଇ ସୂଚନା ମିଳିଛି । ତେବେ ବିଶ୍ୱସ୍ତସୂତ୍ରରୁ ମିଳିଥିବା ସୂଚନା ମୁତାବକ ଉଭୟ ଭାଜପା ଏବଂ ଜେଡିୟୁ ସମେତ ଅନ୍ୟ ଦଳ ୨୦ଟି ଲେଖାଏଁ ଆସନରେ ନିଜ ପ୍ରାର୍ଥୀଙ୍କୁ ଛିଡା କରାଇବେ । ୪୦ ଆସନ ବିଶିଷ୍ଟ ଲୋକସଭା ଆସନରୁ ଜେଡିୟୁ ୧୨ଟି ଆସନରେ ଲଢିବାନେଇ ସ୍ଥିର ହୋଇଛି । ତେବେ ଏନଡିଏ ସହଯୋଗୀ ଲୋକ ଜନଶକ୍ତି ପାର୍ଟିକୁ ମଧ୍ୟ ଦୁଇଟି ଆସନ ଛଡାଯିବ ବୋଲି ଖବର ମିଳିଛି  ।

କିଛି ଦିନ ତଳେ ଲୋକ ସମତା ପାର୍ଟିର ମୁଖ୍ୟ ଉପେନ୍ଦ୍ର କୁଶବାହା ଏନଡିଏରୁ ଦୂରତା ଅବଲମ୍ବନ କରିବା ସହ ଲାଲୁ ଯାଦବଙ୍କ ସହ ସମ୍ପର୍କ ବୃଦ୍ଧି କରିଥିଲେ । ତେଣୁ ଏଲଏସପିକୁ କେତେ ଆସନ ଦିଆଯିବ ସେନେଇ କୌଣସି ସୂଚନା ମିଳିନାହିଁ ।

ସୂଚନାଯୋଗ୍ୟ କି, କିଛି ଦିନ ଧରି ବିଜେପି ଏବଂ ଜେଡିୟୁ ମଧ୍ୟରେ ଆସନ ଭାଗବଂଟାକୁ ନେଇ ସମ୍ପର୍କ ତିକ୍ତ ହେବାରେ ଲାଗିଥିଲା । ଫଳରେ ନୀତିଶ କୁମାର ଏବଂ ଅମିତ ଶାହା ଏନେଇ ଆଲୋଚନା କରି ବିବାଦର ସମାଧାନ କରିଥିଲେ । ଏହା ସହ ଆସନ ଭାଗବଂଟା ନେଇ ଆସନ୍ତା ମାସ ୧୬ ତାରିଖରେ ରାଜ୍ୟ କାର୍ଯ୍ୟକାରିଣୀ ବୈଠକରେ ଔପଚାରିକ ଭାବେ ଘୋଷଣା କରାଯିବ ବୋଲି ଜେଡିୟୁ ରାଜ୍ୟ ସଭାପତି ବଶିଷ୍ଠ ନାରାୟଣ ସିଂ କହିଛନ୍ତି ।

Loading...
  •  
    14
    Shares
  •  
  • 14
  •  
  •  
  •  
  •  
Loading...

Join The Discussion

Loading...