Home ଦେଶ-ବିଦେଶ ନଦୀ ବନ୍ଧ ନିର୍ମାଣ ପାଇଁ ଦାନ ସଂଗ୍ରହ କରିବେ ଇମ୍ରାନ

ନଦୀ ବନ୍ଧ ନିର୍ମାଣ ପାଇଁ ଦାନ ସଂଗ୍ରହ କରିବେ ଇମ୍ରାନ

ଇସଲାମାବାଦ : ଦେଶରେ ନଦୀବନ୍ଧ ଯୋଜନା କାର୍ଯ୍ୟକାରୀ କରିବା ପାଇଁ ପ୍ରବାସୀ ପାକିସ୍ତାନୀଙ୍କଠାରୁ ଦାନ ସଂଗ୍ରହ ଅଭିଯାନ ଆରମ୍ଭ କରିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ। ପ୍ରତ୍ୟେକ ପ୍ରବାସୀ ପାକିସ୍ତାନୀ ୧୦୦୦ ଡଲାର ଲେଖାଏଁ ଦାନ କଲେ ଯଥେଷ୍ଟ ଅର୍ଥ ସଂଗ୍ରହ ହେବ। ନଦୀବନ୍ଧ ନିର୍ମାଣ ପାଇଁ ସରକାର ୧୪ବିଲିୟନ ଡଲାର ସଂଗ୍ରହ କରିବା ଲକ୍ଷ୍ୟ ରଖିଛନ୍ତି। ଏହା ଦ୍ୱାରା ଦେଶର ଜଳ ସମସ୍ୟା ସମାଧାନ ହୋଇପାରିବ ବୋଲି ଇମ୍ରାନ ଆଶା ବ୍ୟକ୍ତ କରିଛନ୍ତି। ଏହି ପରିମାଣ ଅର୍ଥ ଯଥେଷ୍ଟ ନହେଲେ ମଧ୍ୟ ଲୋକଙ୍କ ମଧ୍ୟରେ ଏଥିନେଇ ଆଗ୍ରହ ପ୍ରକାଶ ପାଇଛି। ଅଭିଯାନ ସଫଳ ହେଲେ ଏହା ହେବ ଦେଶର ସର୍ବବୃହତ୍‍ ସର୍ବସାଧାରଣ ଅର୍ଥ ସଂଗ୍ରହ କାର୍ଯ୍ୟକ୍ରମ।
ସୂଚନାନୁଯାୟୀ, ଦେଶରେ ସଂଖ୍ୟାଧିକ ନଦୀ ଓ ବରଫାବୃତ୍‍ତ ଅଞ୍ଚଳ ରହିଥିଲେ ମଧ୍ୟ ମାତ୍ର ଦୁଇଟି ନଦୀବନ୍ଧ ରହିଛି। ଏଥିରେ ସଂରକ୍ଷିତ ଜଳ ମାତ୍ର ୩୨ଦିନ ଦେଶକୁ ଜଳ ଯୋଗାଇପାରିବାର କ୍ଷମତା ରଖିଛି। ବର୍ତ୍ତମାନର ପରିସ୍ଥିତି ଜାରି ରହିଲେ ୨୦୨୫ସୁଦ୍ଧା ଦେଶରେ ଜଳ ସଂକଟ ଭୟଙ୍କର ରୂପ ନେବ। ଏହାର ମୁକାବିଲା ପାଇଁ ସରକାର ଅଧିକ ନଦୀ ବନ୍ଧ ନିର୍ମାଣ ଯୋଜନା କରୁଛନ୍ତି। ବିଶେଷ ଭାବେ ଉତ୍ତର-ପଶ୍ଚିମ ଭାଗରେ ଥିବାେ ମହମ୍ମଦ ଡ୍ୟାମ୍‍ ଓ ଉତ୍ତରରେ ଅବସ୍ଥିତ ବୃହତ୍ତମ ଦିଆମେର-ବାଶା ପ୍ରକଳ୍ପର କ୍ଷମତା ବୃଦ୍ଧି ଯୋଜନା ଚଳାଇଛନ୍ତି ସରକାର। ଲୋକଙ୍କ ଦାନ ଅର୍ଥରୁ କାଣିଚାଏ ଅପବ୍ୟୟ ହେବ ନାହିଁ; ସରକାର ଏହାର ଯତ୍ନ ନେବେ ବୋଲି ଇମ୍ରାନ ପ୍ରତିଶ୍ରୁତି ଦେଇଛନ୍ତି। ତିନି ଶହ ନିୟୁତ ଡଲାର ଦାନ ସଂଗ୍ରହ ମାଧ୍ୟମରେ ଇମ୍ରାନ ଦେଶର ଏକମାତ୍ର ତଥା ଅତ୍ୟାଧୁନିକ କର୍କଟ ଚିକିତ୍ସା କେନ୍ଦ୍ର ଓ ଅନ୍ୟ ଏକ ବୃହତ୍‍ ଡାକ୍ତରଖାନା ପ୍ରତିଷ୍ଠାରେ ସଫଳ ହୋଇଥିବାରୁ ତାଙ୍କ ଉପରେ ଲୋକଙ୍କ ଭରସା ରହିଛି। ଦେଶର ମୁଖ୍ୟ ବିଚାରପତିଙ୍କ ଅନୁରୋଧକ୍ରମେ ଜଣେ ଆଇନଜୀବୀ ୮ହଜାର ଡଲାର ଦାନ କରିଥିବା ପ୍ରକାଶ।

ରାଜ୍ୟର ଖବର

ରାଜ୍ୟରେ ଦ୍ଵିତୀୟ ପର୍ଯ୍ୟାୟରେ ୭୨% ମତଦାନ

ଭୁବନେଶ୍ଵର:ଇଭିଏମ ମେସିନ ତ୍ରୁଟି ବିଚ୍ୟୁତକୁ ବାଦ ଦେଲେ ଗତକାଲି ସୁରୁଖୁରୁରେ  ସଂପନ୍ନ ହୋଇଛି ଲୋକସଭା ନିର୍ବାଚନର ଦ୍ଵିତୀୟ ପର୍ଯ୍ୟାୟ ମତଦାନ। ଦ୍ଵିତୀୟ ପର୍ଯ୍ୟାୟରେ ରାଜ୍ୟର ୫ ଲୋକସଭା ଓ ୩୫ ବିଧାନସଭାରେ ୭୨...

୫ଜଣଙ୍କ ଜୀବନ ନେଲା ହାତୀ

ଅନଗୁଳ: ଗୁରୁବାର ମଧ୍ୟ ରାତ୍ରୀରେ ଅନୁଗୋଳ ଜିଲ୍ଲା ତାଳଚେରରେ ହାତୀ ଆକ୍ରମଣରେ ୫ ଜଣଙ୍କର ମୃତ୍ୟୁ ଘଟିଛି। ତାଳଚେର ଅନ୍ତର୍ଗତ ଷଣ୍ଢଗାଁରେ ମଧ୍ୟରାତ୍ରରେ ପଲେ ହାତୀ ପଶି ଗୋଟିଏ ଗ୍ରାମର ୪ ଜଣ...

୬ ବୁଥ୍ ରେ ସାନି ମତଦାନ ପାଇଁ ସୁପାରିଶ

ଭୁବନେଶ୍ୱର : ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ଭୋଟ୍ ଗ୍ରହଣ ସମୟରେ ୬ଟି ବୁଥରେ ପରି·ଳନାଗତ ତ୍ରୁଟି ଦେଖା ଦେଇଛି । ବଣାଇର ୧୨୯ ନଂ ବୁଥ୍ , ସୁନ୍ଦରଗଡର ୨୧୩ ନମ୍ବର...

ଦେଶ-ବିଦେଶ

ଗୋଟିଏ ମଞ୍ଚରେ ମୁଲାୟମ, ମାୟାବତୀ

ମୈନପୁରୀ : ଦୀର୍ଘ ଦଶଦ୍ଧିର ତୀବ୍ର ବିରୋଧୀ ଭାବେ ପରିଚିତ ସମାଜବାଦୀ ପାର୍ଟି(ଏସପି) ପ୍ରତିଷ୍ଠାତା ମୁଲାୟମ ସିଂ ଯାଦବ ଏବଂ ବିଏସପି ସୁପପ୍ରୋ ମାୟାବତୀ ଗୋଟିଏ ମଞ୍ଚରେ ଦେଖାଦେଇଛି । ଦୀର୍ଘ ୨୬...

କଂଗ୍ରେସକୁ ଝଟକା : ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳ ଛାଡିଲେ

ନୂଆଦିଲ୍ଲୀ : କଂଗ୍ରେସ ମୁଖପାତ୍ର ପ୍ରିୟଙ୍କା ଚତୁର୍ବେଦୀ ଦଳରୁ ଇସ୍ତଫା ଦେଇଛନ୍ତି । ମିିଡିଆ ରିପୋର୍ଟ ଅନୁସାରେ ପ୍ରିୟଙ୍କା ଗୁରୁବାର ରାତିରେ ପାର୍ଟିରୁ ଇସ୍ତଫା ଦେଇଛନ୍ତି । ସେ ଶିବସେନାରେ ଯୋଗ ଦେବେ...

ବିଏସପି ସମର୍ଥକ ଭୋଟ୍ ଦେଲେ ବିଜେପିରେ, ପଶ୍ଚାତାପ କରି ନିଜ ଅଙ୍ଗୁଳି କାଟିଲେ

ଲକ୍ଷ୍ନୌ: ଉତ୍ତରପ୍ରଦେଶ ବୁଲନ୍ଦସହରରେ ଘଟିଛି ଏକ ଅଭାବନୀୟ ଘଟଣା। ଭୁଲରେ ଭାଜପାକୁ ଭୋଟ ଦେଇଥିବାରୁ ନିର୍ବାଚନ ଚିହ୍ନ ଲାଗିଥିବା ଅଙ୍ଗୁଳିକୁ କାଟିଦେଇଛନ୍ତି ଜଣେ ଯୁବକ। ସୂଚନାଯୋଗ୍ୟ, ବୁଳନ୍ଦସହରର ଶିକାରପୁର ଅଞ୍ଚଳର ଜଣେ ଦଳିତ...